استفتاء هااام لكل اعضاء المنتدى

عدل سابقا من قبل في 2007-10-03, 3:44 pm عدل 1 مرات

يجماعه ان شاء الله احنا بنجهز لحاجات قريب فالمنتدى وهنعمل تحديثات وكدا

وفى دكاتره زارت الموقع ودخلوا وفى حاجات مش عجباهم وفى ناس كتير مش عاجبها
زى ان المنتدى فى ترفيه ورياضه وعاوزينو يبقى جيوسينس بس
وكمان عاوزين ناخد رايكم المنتدى عربى ولا انجلش تحبو يعنى يكون بانهى لغة؟

ياريت كل عضو يقول وجهة نظرو ويوضحلنا ليه

وشكرا جدا
_________________

انا رأيي ان فعلاً المنتدى لازم يكون جيوساينس بس

عشان ده الغرض من اشتراكنا كلنا في اصلاً

ودي الحاجة الي بتربطنا مع بعض كلنا

لكن بالنسبة للترفيه في منتديات كتير فيها ترفيه ورياضة وكمبيوتر وكده

كمان انا شايف ان التخصص هيكون احسن لينا عشان نكون

متميزين فيه وشايف كمان ان الاقسام التانية دي هتضعف المنتدى عموماً يعني

مثلاُ : لما يكون عندك 13 قسم منهم 3 بس متخصصين في علوم الجيوساينس

وانا بعتبر ان الجيولوجيا وكل الناس ده قسم مش علمي طبعا

يبقة كده حوالي 23% من منتدى الجيولوجيا فيه علوم جيولوجية اللي المفروض يكون

كله علوم جيولوجية او فوق ال 85% منه على الأقل

بالنسبة لأنه يكون انجليش ولا عربي فأنا شايف ان انجليش هيكون أفضل عشان احنا حلمنا اننا

نوصل للعالمية وكده فلازم يكون كلامنا مع الناس دي بمستواهم مش مستوانا

عشان يقبلو انهم يتعاملو معانا لكن لو كان كلامنا كده عربي ( لغه ممكن يكونوا مش بيتعاملو بيها)

وكمان لو الموضوع زاد بقة وكان في كلام سوري - .......- مالوش لازمة (ماهو بالعربي بقة)

مش هيخلي حد يقبل انه يتعامل معانا ( هيئات أو مؤسسات وكده)

وكمان اللغة دي مطلوبة جدا في الشغل بتاعنا بعد كده بمعنى اننا لو اتدربنا عليها من دلوقتي

هتكون ميزة كبيرة اوي لينا لما نكبر وربنا يكرمنا ونشتغل في مكان في اجانب

شكراً على فتح باب النقاش يا جيومحمد

الاستفتاء ده رائع جدا ،

انا رائي الحقيقه اغلبه من راي اونو ، لازم نكتب انجليش
ثانيا : احنا ممكن نركز اكتر علي مواضيع الجيولوجيا ، مع وجود منتدي اخر للتخصصات الموجود (تخصصات علميه اخري )لان بعض الجيولوجيين وانا منهم بكون مهتم بالفيزياء ، والرياضه ، وده اساسي لان الجيولوجيا في ح ذاتها مرتبطه بكل العلوم ، لانه لايوجد فواصل راسيه بين العلوم الاساسيه كما هو معروف ، لكن طبعا زي ما قلت الاهتمام الاكبر علي مواضيع الجيولوجيا ، وتقسيم الجيولوجيا لاقسام كمان ( علوم الجيولوجيا )، والاهم من كده وكده ، كتابه مواضيع اكثر عمقا......وشكرا

من رأيي ان المنتدي لازم يكون english عشان دي اللغه المنتشره في العالم كله و اعتقد كل الأعضاء لهم نفس الرأي

والمنتدى في رايي يكون كله عباره عن اقسام للجيولوجيا وقسم واحد فقط ترفيه ورياضه مع بعض وأي حاجه بره العلم برضه ما ننشفهاش اوي

وشكرا

انا متفق جدا مع اونو في كل اللي قالة ما عدا حاجة أنا شايفها مهمة جدا وممكن كتير يزعل بس معلش :

لازم يكون الموقع بالعربي بالعربي بالعربي لية ما نخليش الغرب هم اللي يقلبوا للعربي !!! وتبقى لغة عالمية بعز الإسلام ودة مش معناة اننا نهمل الإنجلزي لا طبعا دة لازم نتعلمة كويس جدااا لأن مش هنشتغل إلا بالإنجليزي لكن الموقع فــــــــــــــلا فــــــــــــــــــلا

والحاجة التانية اقسام المنتدى انا شايف ودة الأحسن ان كلة يبقى جيولوجيا او على الأقل معظمة لأن حاليا معظمة مش جيولوجيا المفروض يبقى في أقسام تانية زي :

جيوكيمياء

الجيولوجيا البحرية

جيولوجيا البراكيين

جيولوجيا الزلازل

المعادن والصخور

البترول

هذة كلها الأقسام إذا وجدت فلا مانع ابدا ان يكون هناك القسم الإسلامي والرياضي والموبايل والكمبيوتر أما التــــرفيهي فأنا ارى انة ما لوش لازمة قوي لأنة دة منتدى علمي ومفيش مانع من وجودة مش هيخسر

والف شكر يا جيو محمد على الأستفتاء ولا تنسى ارجوك عربي عربي عربي إنجليزي لا

شكــــــــــــــــــــــــرا,,,,,,,

_________________
{قل سيروا في الأرض فانظروا كيف بدأ الخلق}

{لخلق السموات والأرض أكبر من خلق الناس ولكن أكثرالناس لايعلمون}

تحياتي لعظماء الجيولوجيا أصحاب المهام العليا

بسم الله الرحمن الرحيم

يا شباب الاستفتاء ده مهم جدا فوق ما تتصوروا

لاني اختلفت كتير انا ومحمد حول مستقبل الموقع

وطبعا اختلاف الرأي لا يفسد للود قضيه

فاتفضلوا اقرئوا بعد اذنكم رأيي المتواضع

اولا

بالنسبه لموضوع دمج او الغاء اقسام الترفيه سواء رياضه او كمبيوتر او موبايل وخلافه

انا سمعت اراء كتير من الناس اللي زارت الموقع

وخلاصه الاراء دي

ان الموقع يبقي معظمه جيوسينس

ويكون في قسمين فقط لا غير للترفيه

مثلا ندمج الرياضه مع الترفيه

والموبايل مع الكمبيوتر

والاسلامي مع الجيولوجيا وكل الناس

ويتم انشاء اقسام جديده

مثل الجيوكيمياء

ولكن عذرا في توضيح بسيط لان البعض اقترحه

موضوع اننا نعمل لكل فرع في الجيولوجيا قسم مستقل بذاته

انا في رأيي حيبقي صعب انن نجمع مواضيع متخصصه قوي كده دلوقتي

لان كده في اقسام حتتظلم واقسام لا

يعني ممكن نعمل قسم جيوكيمياء

ولكن مينفعش نعمل structure,stratigraphy,paleontolgy

ده ممكن نعمله بعدين

لما المنتدي يتملي كتير ونبتدي نوزع المواضيع فيه

انا مع زياده اقسام الجيوسينس طبعا

ولكن لست مع الغاء كل اقسام الترفيه لانها من مسماها ترفيهيه

ولكن تقل الي حد ما

_________________

ثانيا

بالنسبه لموضوع اللغه ده

الفتره الحاليه لازم المنتدي يكون بالعربي لاننا في بدايه التعارف بين بعض

ويجب مراعاه ان مش كل الناس قويه في الانجليزي

وعلي فكره في دكاتره عجبها ان الموقع بالعربي لان انت لو عايز معلومه بالنجليزي سهل انك تتدخل علي جوجل وتجيبها

لكن العربي ميزته انك تقرأ الموضوع اللي عايزه وتفهمه كويس

كان في اقتراح اننا حنعمل بوابه للموقع بالانجليزي

ويتساب المنتدي زي ما هو بالعربي مؤقتا

بس لسه كله قيد البحث والمداوله

بس انا في رأي نصبر شويه علي موضوع الانجليزي ده

ارجو يعجبكم رأي المتواضع

وياريت باقي الاعضاء يشاركوا لان ده في الاول والاخر منتداهم برضه واحنا عاملينه ليهم

وطبعا لما يزيد التركيز علي الجيوسينس بس بعيدا عن اي شيء اخر ده حيرفع من شأن المنتدي كتير

_________________

انا متفق معك تماما يا صالحين في كل اللي قلتة وبالذات عدم حذف القسم الاسلامي لانة لو اتحذف هاكل عيش منين ههههههه

اتفق معك تماما ,,,,, cheers

_________________
{قل سيروا في الأرض فانظروا كيف بدأ الخلق}

{لخلق السموات والأرض أكبر من خلق الناس ولكن أكثرالناس لايعلمون}

تحياتي لعظماء الجيولوجيا أصحاب المهام العليا

انا كمان متفق مع صالحين في الكلام ده

[size=29][/sizeانا كمان رايي من رايي صالحين وبضم صوتى ليه واحنا طبعا فى الاول والاخر عايزين المنتدى يبقى فى احسن صورة

انا معاك تماما فى رايك ياصالحين ويمكن انا قولت كدة برده لمحمد وانا متفق معاك فى رايك بالكامل وحكاية اننا نعمل بوابة للموقع بالانجليزى ده اسلم راى وده كله من وجهة نظرى

مع خالص احترامى للاخرين

انا موافق على ان الموقع لازم يكون بالعربى

Hello everybody,

First, I would like to say that the idea of creating a geo-forum is really brilliant especially that it is the first one of its kind in Egypt. And I really hope that all geo-students and even geo-professionals can make the best out of this forum and benefit from it.

About categorizing the forum, in my opinion, I prefer the forum to be specialized in geosciences only, because the more the forum is specialized, the more it will be effective and successful. And I totally agree with Uno about that. In addition, focusing on geo-topics only will make this forum unique among other forums.

And I think that is what we all want to accomplish eventually.

And about the language used in the forum, of course English is preferable because of many reasons;

1- English is the most common language used in the whole world

2- It will be a good practice for us to apply the English language and even improve it which is a good thing

3- The whole world and all organizations and companies use the English language

4- In order to spread this forum internationally, English must be the language used

5- All geo jobs require a very good understanding of English (reading, writing & speaking)

Another thing is that if we want to make this forum really the best, we should take care of every single detail and make sure that everything is perfect and done in a professional way.

Finally, I would like all the members of this forum to participate in this voting and tell us your opinions and what do you think is best for the forum so that we can reach to satisfying solutions for everybody and make this forum over the top.

hey alllllllllll
i suggest that the forum specialized only in geo science
and be in english

السلام عليكم اولا
اعتقد انه ممكن يبقى فى نظام الانجليزى والعربى وكل واحد ليه حرية الاختيار هو يحب يقرا ازاى خصوصا ان العربى فى بعض الكورسات بيبقىصعب لاننا مش متعودين على مصطلحاته

وكمان اقترح نظام الاقسام يعنى كل قسم مستقل بذاته وتعيين مشرف لكل قسم وممكن يكون فى مساعدين ليه وبكده يبقى الموضوع سهل ومفيد اكتر
وعلى فكرة انا شفت الموضوع ده فى ملتقيات اخرى فى تخصصات تانيه وكان ناجح جدا